नेपालले घरेलु मैदानमा एक वर्षपछि त्रिकोणात्मक श्रृंखलाको उपाधि हात पार्न सफल भएको छ । र त्यो उपाधि हात पार्ने टोलीमा अधिकांश युवा रहेका छन् ।अनुभवी र सिनियर खेलाडी नरहेको टिमले पनि ५ खेलमा अविजित रहँदै उपाधि उचाल्यो । कोरोना महामारीका कारण रोकिएको खेलकुद पुन सुरु भएपछि घरेलु मैदानमा पहिलो उपाधि उचाल्न पाएका कप्तान सन्दीपको सुखद सुरुवातको रुपमा यसलाई लिइएको छ । यो उपाधि नेपाली क्रिकेट भविष्यको राम्रो सुरुवात रहेको कप्तान लामिछाने तथा प्रशिक्षक पुबुदु दशनायकेले बताए । ‘नेपाली क्रिकेटले राम्रो दिशा लिँदै छ । प्रशिक्षक दशनायकेले भने,यो एउटा सुरुवात मात्र हो’,

कप्तान सन्दीपका अनुसार यो उपाधिलाई नेपाली क्रिकेटको भविश्यमा आउने सफलताको प्रतिक भनेको छ । ‘पूरै प्रतियोगिता राम्रो खेल्यौं भविष्यको सफलताको यो राम्रो सुरुवात हो’,खेलपछिको पत्रकार सम्मेलनमा उनले भने । सबै खेलाडीले मन लगाएर खेलेको कारण यो सम्भव भएको उनले बताएका छन् । ‘मैले मात्रै गरेर केही भएको होइन सबै खेलाडीले आफ्नो जिम्मेवारी पूरा गरेकाले सहज भयो’, उनले भने ।