‘रोज डे’ मा ‘रोजगार दे’ को नारा
भ्यालेन्टाइन सप्ताहमा, पहिलो दिन रोज डे
रोज गार्डेन चाहिन्न सरकार रोजगार दे !
हे पागलप्रेमी,
रोजभन्दा अघि खोज रोजगार
बेरोजगार भए हर रोज बेकार !
रोज टिप्न, नाघ्यौ कसैको बारीको पर्खाल
चकलेट डेमा फोर्ने हो क-कसको पसल ?
छन् गेडी सबै मेरी, छैनन् गेडी सबै टेढी
सापट दिन को मित्र आफन्त होलान् रेडी ?
हात नआएपछि नभन्नु है अमिला बयर
गेडी नभै कसरी किन्ने टेड्डी बेयर ?
हे पागलप्रेमी,
रोजभन्दा अघि खोज रोजगार
बेरोजगार भए हर रोज बेकार !
रोजगार भए रोज, अनि प्रपोज, अनि किस
प्रपोज गरे पूरा होला भ्यालेन्टाइनको प्रमिस !
हे पागलप्रेमी !
रोजभन्दा अघि खोज रोजगार
बेरोजगार भए हर रोज बेकार !