शनिबार, बैशाख १, २०८१
  • होमपेज
  • बसमा यात्रा गर्दा बान्ता हुँदा के गर्ने ?
Breaking News

बसमा यात्रा गर्दा बान्ता हुँदा के गर्ने ?

दशैंमा घर जाने अहिले चटारो छ । सार्वजनिक यातायातमा अहिले दशैं मान्न घर जानेहरुको भिड थेगिनसक्नु हुन्छ । यस्तोमा बसमा यात्रा गर्ने कतिपयलाई बान्ता हुने गर्दछ । प्रायजसो लामो दुरीको यात्रा गर्दा बान्ता हुने गर्दछ ।

कसैलाई यात्रामा निस्कन साथ बान्ता हुन्छ भने कसैमा लामो यात्रा गर्दा यो समस्या देखा पर्दछ । यात्रा गर्ने क्रममा बान्ता हुनु एक कष्टकर क्षण हो । यसले शरीर कमजोर बनाउने मात्र होइन यात्रा नै नरमाइलो हुन्छ ।

बान्ता हुनुअघि देखा पर्ने लक्षण :
– मुखमा पानी आउनु
– वाकवाकी लाग्नु
– टाउको दुख्नु
– छटपटि हुनुु
– पेट बाउडिने आदि

बान्ता हुनबाट बच्न के गर्ने ?
– मास्कको प्रयोग गर्ने ।
– यात्रामा अनिवार्य खाना खाने ।
– टाढाको दृश्य हेर्ने ।
– चिल्लो कम भएको खानेकुरा खाने ।
– दुग्धजन्य पदार्थ, गुलियो, कोक नखाने ।

बान्ता रोक्ने घरेलु उपाय

क) ल्वाङ
यात्रा गर्ने क्रममा ल्वाङ मुखमा राखेर चुस्नाले वाकवाकी र बान्ता हुदैन ।

ख) अदुवा
यात्रा गर्नुअघि अदुवा मिसाएको चिया खाएर यात्रा गरे बान्ता हुदैँन । साथै यात्रामा अदुवाको टुक्रका मुखमा राखेर चपाउँदा पनि बान्त हुदैँन ।

ग) धनिया
धनियाको केहि दाना मुखमा राखेर चपाउनाले पनि वाकवाकी लाग्दैन ।

घ) जामुन
जामुनको पात वा फलमा बान्ता रोक्ने औषधीय गुण हुन्छ त्यसैले जामुनको रस निकालेर पिउँदा पनि बान्ता हुदैन ।

-यात्रा गर्नु पुर्व धेरै चिल्लो खाना,धुम्रपान तथा मध्यपान नगर्ने

-हवाइजहाजको पखेटानेरको सिटमा बस्ने, गाडिको अगाडिको सिटमा बस्ने, पानीजहाजको तलको मध्यभागमा बस्ने

-सकेसम्म यात्रा गरिरहेको दिशाभन्दा फरक दिशामा फर्केर नबस्ने

-मिलेसम्म झ्याल खोलेर बाहिरको चिसो हावा ग्रहण गर्ने

-वान्तासम्बन्धी कुनै पनि कुरा नगर्ने र कुनै अरूले गरे पनि ध्यान नदिने

-यदि अन्य यात्रुलाइ वान्ता भइरहेको छ भने सकेसम्म टाढा बस्ने

-यात्रा गर्दा पत्रपत्रिका तथा किताबहरू नपढ्ने,आँखा बन्द गर्ने अथवा कुनै टाढाको निश्चित बिन्दुमा हेर्ने

-गीत सुन्ने, केहि खाने, गफ गर्ने गरेर आफ्नो ध्यान अन्यत्र लैजान कोशिश गर्ने

-यात्रा गर्नु अघि तितेपातीको चिया अथवा केहि तितेपाती को रस खाने, स्याउको जुस पिउने, पुदिनाको चिया अथवा पुदिनाको पात खाने अदुवाको चिया अथवा अदुवा खाने, तथा कागती खाने

-स्वास्थ्यकर्मीको सल्लाह बमोजिङ मात्र यात्रा गर्दा प्रोमिथाजिन, सक्लिजिन, डिफिन्हाड्रइन जस्ता औषधि सेवन गर्ने

फेसबुक प्रतिक्रियाहरु

चर्चामा

सम्बन्धित समाचार

भर्खरै