बझाङ । बझाङ जिल्लाभर ६३ हजार ४८९ मत खसेको जिल्ला निर्वाचन कार्यालय बझाङले जनाएको छ ।

जयपृथ्वीमा १४५२३ मतदाता रहेकोमा ७८८३ मत ५४ प्रतिशत खसेको छ । तल्कोट गाउँपालिकामा ७ ६०८ मतदाता रहेकोमा ४४१७ मत खसेको छ । मष्टा गाउँपालिकामा ९१०६ मतदाता रहेकोमा ४८३८ मत खसेको हो जुन ५३ प्रतिशत हो ।खप्तडछान्ना गाउँपालिकामा १११९० मतदाता रहेकोमा ५१०३ मत खसेको छ । सुर्मा गाउँपालिकामा ५४०४ मतदाता रहेकोमा ३२८८ मत ६१ मत खसेको छ ।

थलारा गाउँपालिकामा ५३४० मत खसेको छ ।छबिसपाथिभेरा गाउँपालिकामा १०३७७ मतदाता रहेकोमा ५३८५ मत खसेको छ ।साइपाल गाउँपालिकामा १४६५ मतदाता संख्या रहेकोमा ११४४ मत खसेको छ । वित्थडचिर गाउँपालिकामा १०८७२ मतदाता रहेकोमा ५९४७ मत खसेको छ ।दुर्गाथली गाउँपालिकामा ९हजार ८८ मतदाता रहेकोमा ४ हजार ९८ मत खसेको छ ।केदारस्युँ गाउँपालिकामा १२ हजार १०७ मतदाता रहेकोमा ६ हजार ३५ मत खसेको छ ।बुंगल नगरपालिकामा १९ हजार ३७९ मतदाता रहेकोमा १० हजार ११ मत खसेको छ ।

बझाङको प्रदेश (क) का लागि ६११६९ मतदाता रहेकोमा ३२ हजार ८ सय ३३ मत खसेको छ । जुन ५३ दशमलव ६८ प्रतिशत हो ।बझाङको प्रदेशसभा (ख) का लागि ६१ हजार २०७ मतदाता रहेकोमा ३० हजार ६५६ मत खसेको छ । जुन ५२ प्रतिशत हो। प्रतिनिधिसभाका लागि बझाङमा १ लाख २२ हजार ३७६ मतदाता रहेकोमा ६३ हजार ४ सय ८९ मत खसेको छ । जुन ५१ दशमलव ८८ प्रतिशत हुन आउँछ ।

बझाङमा सबैभन्दा विकट मानिएको साइपाल गाउँपालिकाका मतपेटिका हेलिकप्टर मार्फत सदरमुकाम चैनपुरस्थित मतगणनास्थल जिल्ला अदालत बझाङमा ल्याइएपछी मात्रै मतगणना थालिने जिल्ला निर्वाचन कार्यालय प्रमुख विमलप्रसाद गौतमले बताए।