बझाङ । खप्तडछान्ना गाउँपालिका ५ को वडाध्यक्षमा एमालेका उम्मेदवार रामबहादुर सिंह ‘खुसी’ विजयी भएका छन् । उनका प्रतिद्वन्द्वी सत्ता गठबन्धनका उम्मेदवार गोपिन्द सिंहलाई ८ मतले पराजित गर्दै ‘खुसी’ विजयी भएका छन् ।

सोमबार मध्याह्न सार्वजनिक भएको अन्तिम मत परिणामअनुसार एमालेका उम्मेदवार ‘खुसी’ले ४६८ मत प्राप्त गरे भने उनका प्रतिद्वन्द्वी गोपिन्दले ४६० मत प्राप्त गरे । त्यस्तै वडा सदस्यहरुमा पनि एमालेकै प्यानल विजयी भएको छ ।

एमालेबाटका महिला सदस्यका उम्मेदवार ५११, दलित महिला सदस्यले ४७६, खुला सदस्य ४९० र अर्का खुला सदस्यले सर्वाधिक ५३३ मत प्राप्त गरी विजयी भएका छन् । गठबन्धनका तर्फबाट महिला सदस्यले ४२५, दलित महिला सदस्यले ४१७, खुला सदस्यले ४२३ र अर्का खुला सदस्यले ३९७ मत प्राप्त गरी पराजित भएका हुन् ।