काठमाडौं, २७ फागुन ।

गायिका सोफिया थापाको ‘छाउपडी’ नामक सन्देशमुलक गीत सार्वजनिक भएको छ । शुक्रबार कर्णाली उत्सवको उद्घाटन समारोहमा गीत सार्वजनिक गरिएको हो ।

रमेश दाहालको शब्द रहेको छाउपडी गीतमा स्वर र संगीत सोफिया थापाकै रहेको छ । गीतमा विशाल पौडेलको एरेन्ज, प्रदीप जोशीको मिक्सिङ, सन्तोष दवाडीको भिडियो सम्पादन र आर्य घर्तिको ग्राफिक्स रहेको छ । कल्पवृक्ष रेकडिङ स्टुडियोमा रेकर्ड गरिएको छाउपडी गीत सोफिया थापाकै आधिकारिक युट्युब च्यानलमार्फत् सार्वजनिक गरिएको छ । गत भदौमा नै शब्द विवादपछि रिलिज नभएको गीत आज शुक्रबार सार्वजनिक गरिएको हो ।