बझाङ । निजी तथा आवासीय विद्यालय अर्गनाइजेशन नेपाल (प्याब्सन) ले जिल्ला प्रशासन कार्यालय बझाङमा आफ्ना मागसहितको ज्ञापन पत्र बुझाएको छ । निजी विद्यालयहरूको छाता संगठन प्याब्सन बझाङले प्रमुख जिल्ला अधिकारी कैलाशबहादुर ठकुराठीलाई ज्ञापन पत्र बुझाएको हो ।

बिहीबार प्याब्सन, ऐनप्याब्सन, हिसानसहित निजी विद्यालय सञ्चालकहरूले जिल्ला सदरमुकाम चैनपुर बजारमा ¥याली, कोणसभा र ज्ञापन पत्र बुझाएको प्याब्सन बझाङका अध्यक्ष कुम्भराज खत्रीले जानकारी दिए ।

अध्यक्ष खत्रीका अनुसार प्याब्सन र ऐनप्याब्सनले सरकारद्वारा ल्याइएको विद्यालय शिक्षा विधेयकका कतिपय प्रावधानले निजी विद्यालय सञ्चालकलाई मार पर्ने भएकाले आन्दोलनमा उत्रिनुपरेको हो । कम्पनी ऐनअनुसार दर्ता भएका विद्यालयहरूलाई गैर नाफामूलक बनाउनुपर्ने प्रावधान हटाउनुपर्ने समेत माग गरिएको उनले बताए ।

विज्ञप्तिसहित