२०७४ सालको स्थानीय निर्वाचनमा नेकपा एमालेबाट कञ्चनपुरको वेदकोट नगरपालिकाको मेयरमा निर्वाचित भएका अशोककुमार चन्दसहितका जनप्रतिनिधि नेकपा एकीकृत समाजवादी पार्टीमा प्रवेश गरेका छन् ।

मेयर चन्दसहित पाँच जना वडाध्यक्ष र २२ जना वडा सदस्यलाई एकीकृत समाजवादीका अध्यक्ष माधवकुमार नेपालले आज आइतवार पार्टी प्रवेश गराएका छन् । चन्दसहित वडा नम्बर ३ का अध्यक्ष तिलक ठकुल्ला, ४ नम्बरका अध्यक्ष भास्कर भट्ट, ७ नम्बरका वीरबहादुर डगौरा, ८ नम्बरका दुर्गासिंह भण्डारी र १० नम्बरका केशव रावल एमाले परित्याग गरी एकीकृत समाजवादीमा प्रवेश गरेका एकीकृत समाजवादीले जनाएको छ ।