निर्वाचन आयोगले १५ चैतदेखि कर्मचारी सरुवा तथा पदस्थापन नगर्न सरकारलाई आग्रह गरेको छ । ३० वैशाखमा स्थानीय तहको निर्वाचन गर्ने तयारीमा जुटेको निर्वाचन आयोगले कर्मचारी सरुवा तथा पदस्थापनका लागि समयसीमा तोकेको हो । आयोगले १५ चैत अगावै संघ, प्रदेश र स्थानीय तहमा खटिएका कर्मचारीहरुलाई पदाधिकार रहेकै कार्यालयमा फिर्ता गर्न र यस्तो स्थानमा स्वीकृत दरवन्दीको पद र तह अनुसारको कर्मचारी सरुवा÷पदस्थापन गरी सक्ने भनेको छ ।
स्थानीय तहमा प्रमुख प्रशासकीय अधिकृत रिक्त भए सरुवा÷पदस्थापन गर्न पनि आयोगले सरकारलाई आग्रह गरेको छ । स्वीकृत दरवन्दीको तह र पदनाम बमोजिम सरुवा÷पदस्थापन भएका कर्मचारीलाई स्थानीय तहको निर्वाचन सम्पन्न नभएसम्म अन्यत्र काज तथा सरुवा नगर्न सरकारलाई आग्रह गरेको छ । प्रमुख जिल्ला अधिकारीसहित जिल्ला प्रशासन कार्यालयका कर्मचारीहरु १५ चैत अगावै स्वीकृत पदको तह र पदनाम बमोजिम सरुवा÷पदस्थापन गरिसक्नुपर्ने निर्वाचन आयोगको निर्णय छ ।