शुक्रबार, चैत्र १४, २०८१
  • होमपेज
  • पाटादेवल जिल्लाकै पहिलो पूर्ण खोप सुनिश्चिततामा वडा घोषणा
समाचार

पाटादेवल जिल्लाकै पहिलो पूर्ण खोप सुनिश्चिततामा वडा घोषणा

बझाङ । बझाङको खप्तडछान्ना गाउँपालिका वडा नं ६ पाटादेवल जिल्लाकै पहिलो पूर्ण खोप सुनिश्चिततामा वडा घोषणा गरिएको छ ।

आर्थिक वर्ष २०८१/०८२ लक्ष्यअनुसार नै बालबालिकालाई खोप प्रदान गरेपछि खप्तडछान्ना गाउँपालिकाअन्तर्गत पाटादेवल स्वास्थ्य चौकीलाई बझाङ जिल्लाकै पहिलो पूर्ण खोप सुनिश्चितता वडा घोषणा गरिएको हो ।

पाटादेवल स्वास्थ्य चौकीका इन्चार्ज भूमिराज खत्रीका अनुसार चालू आर्थिक वर्षमा नियमित स्वास्थ्यको निगरानीमा भएका तथा खोप कार्ड भएका २१ जना बालबालिका थिए भने सबै जनालाई खोप प्रदान गरिएको छ । त्यस्तै १६ देखि ५९ महिनाका बालबालिका ८५ जना थिए भने पूर्ण खोप प्राप्त गरेका ७९ जना बालबालिका छन् भने ड्रप आउट भएका ६ जना बालबालिका थिए ।

ड्रप आउट भएका ६ जनामध्ये पनि ५ जनालाई सम्पर्कमा ल्याएर खोप प्रदान गरेको स्वास्थ्य चौकी ईन्चार्ज खत्रीले बताउनुभयो । बाँकी एक जना भने आमाबुवासँगै भारत लिएको हुँदा खोपबाट बञ्चित भएको बताउनुभयो ।

यसरी हेर्दा ० देखि ५९ महिना उमेर समूहका १०६ जना बालबालिकामध्ये १०५ जनाले खोप लगाएका छन् ।

फेसबुक प्रतिक्रियाहरु

चर्चामा

सम्बन्धित समाचार