डा. प्रगति घिमिरे

उज्ज्वलले देखाएको दूरदर्शी बाटो हो
युवा अघि सर्नु यसको एउटा पाटो हो
अध्ययन गहन, समय सुहाउँदो दर्शन
अमेरिका देखि रोल्पासम्म आकर्षण !

बाटो त उज्ज्वलले देखाएकै सही हो
अन्त्यमा सबै पुग्ने हामी त्यहीँ हो
अनुशासित जनता, सेवक सरकार
त्यही शालीन संस्कारमा हुर्के पुकार !

बाटो त उज्ज्वलले देखाएको सही हो
रबी बालेन पुकार हिँड्ने बाटो त्यही हो
धेरै ढिला भई सक्यो अब नगर अबेर
सुनिदेऊ नेपाल आमाको चित्कार ।

बाटो त उज्ज्वलले देखाएको सही हो
सुसंस्कृत राजनीति गर्ने समय यही हो
बनिदेऊ तिमी बूढा बा–आमाको आधार
सुनिदेऊ तिमी दिदी–बहिनीको पुकार ।