योग्यता, क्षमता हेर टिकट पाउनेहरुको
भोट माग्न तिम्रो घरदैलो आउनेहरुको

जानी जानी गल्ती गरि पछुताउनुभन्दा
बेलैमा चेत रिटोस् ताली बजाउनेहरुको

सबैको उद्देश्य जितेपछि असुल्ने हुन्छ
चुनावमा भोट किन्न पैसा उडाउनेहरुको

भर नपर्नु गोरु बेचेको साइनो लगाएर
दुई हात जोडी खुट्टा समाउनेहरुको

हिसाब किताब खोज्नुपर्छ है साथी अब
देश लुट्ने आफ्नो महल सजाउनेहरुको

सुरेश थापा