आजदेखि बझाङ जिल्लाको सदरमुकाम चैनपुरमा जेष्ठ नागरिक लक्षित निःशुल्क दन्त शिविर सञ्चालन गरिएको छ । जिल्लामा आजबाट निःशुल्क सञ्चालन गरिएको दन्त शिविरमा नि:शुल्क कृतिम दाँत लगाउने एवं निकाल्ने गरि शिविर सञ्चालन गरिएको हो ।
शिविरमा निःशुल्क कृतिम दाँत बनाउने करिब ३० जना विशेषज्ञ चिकित्सकको टोली बझाङ जिल्लाको सदरमुकाम चैनपुरमा पुगेको छ । उक्त शिविर जेष्ठ नागरिक लक्षित गरी नेपाल सरकार स्वास्थ्य तथा जनसंख्या मन्त्रालय स्वास्थ्य सेवा विभागले सञ्चालन गरेको डा. कुम्भ जोशीले बताए ।

जेष्ठ नागरिकहरुको सहजताका लागि सञ्चालन गरिएको शिविरमा दाँत नभएका तथा दाँत खसेका जेष्ठ नागरिकाले सेवा प्राप्त गर्नेछन् ।
त्यसै गरी जेष्ठ नागरिक बाहकेका व्यक्तिको पनि दाँतमा समस्या भएमा वा दाँत नभएको खण्डमा उनीहरुलाई पनि सेवा दिइने डा. जोशीले बताए । शिविर फागुन २६ गतेसम्म सञ्चालन हुनेछ ।